結完婚擺完酒,同大家分享下~~~ (轉自 maggie b)

向下

結完婚擺完酒,同大家分享下~~~ (轉自 maggie b)

發表  annchan 于 周三 12月 07, 2011 2:38 pm

結左婚都有一段時間,回想起搞結婚以來,樣樣都想慳錢,但又怕比人呃 ,啲人又話金都好多黑店,所以都成日行金都、上網搵資料,連老公同我行金都行到話金都係全宇宙最悶既商場,哈哈~~~

我見搵資料搵得咁辛苦,唔想浪費左去,加上自己親身用過,所以想同大家分享一下﹗ 如想詳細了解資料,可PM我~~~

GOOD:

回禮小禮物及喜帖:網上商店(wedding cheers)

~ 我都考慮左好耐先諗係唔係呢間網店買野,一黎佢新開,二黎佢啲價比出面啲,但係見佢有九折,同埋佢服務真係好好,所以就係佢度買左小禮物,買左之後,仲見到佢可以幫人設計帖、枱號咭,所以一次過搞掂晒三樣野,真係輕鬆﹗ 我啲朋友仲話我張帖好靚,啲小禮物有包裝好靚,仲問我係唔係我自己加絲帶包裝,哈哈 ,其實又要返工,邊度咁得閒呀,係度真係要多謝weddingcheers﹗而家我有幾個朋友都係佢度買小禮物,用我個名仲可以有優惠添~~~唯獨是佢堅持要比訂先可以落單,如果唔係真係perfect﹗但諗深一層要落訂都0岩既~~~~~

酒樓:煌府(海景)宴會廳

~ 呢間酒樓出名服務好,我都因為係佢出名,加上我有幾個朋友係呢間酒樓擺酒,都見到唔錯,所以我決定係呢度擺酒,你知啦,酒樓對結婚黎講好重要ga ma,我既決定真係冇錯,係事前,我有好多問題 ,又想係酒樓比賓客玩ps3,又決定唔到圍數……,至當日,我要掛一大塊簽名布、玩遊戲物資…….所有程序都配合得好好,酒樓經理豪哥都通通幫我搞掂。雖然我知道近日煌府有啲不利既消息,但係我諗咁多對新人,總有不同既意見。煌府,我一定支持你~~~~~

裙褂:COCOON

~ 呢間褂真係好貴,係租之前都考慮左好耐 ,有人話佢地好串,但係我幾次試身服務都好好,冇問題,佢知我剩係租褂都服務好好,加上連我奶奶都話我套褂好靚 ,我知道我冇揀錯。

租衫:紫水晶

~ 呢間租衫都出名服務好,我有幾個姊妹都係佢地度租衫,同佢地好熟,雖然佢地啲衫冇出面名貴店舖咁靚,但係一分錢一分貨,仲要有咁既價錢,咁既服務質素,而經好好啦,我有好多朋友去完我度飲,都問我係邊度租衫,值得推介~~

化妝:J'Classy (CANDY)

~ 我覺得化妝係好重要既一環,所以我都試過幾次妝,唔知我結婚果日係唔係好日,年半前,我想搵既化妝師都full左啦,但係到而家冇後悔過搵candy,因為首先佢服務真係好好,同佢好好傾,另外set頭轉妝又快又靚,令到我當日有好多時間同啲賓客影相,有啲朋友都讚我啲頭好靚,candy真係好勁呀﹗

BAD:

Pre-wedding:cool wedding

~ 一諗起呢間攝影公司,真係怒火中燒,佢咩都要加錢之外,我係討論區留言仲要delete個post,諗起都嬲呀﹗

奶奶衫:金都玫瑰園

~ 其實我一直都怕係金都買野同訂野,所以我只係行金都睇資料,從來都冇係金都做過啲咩野,只係因為同奶奶行金都時,佢話好鍾意件媽咪衫,冇辦法,幾貴都要租,點知一間就中招,件媽咪衫當日爛左,仲要超唔0岩身,搞到我奶奶幾嬲~~

annchan

文章數 : 26
注冊日期 : 2011-12-04

檢視會員個人資料

回頂端 向下

回頂端


 
這個論壇的權限:
無法 在這個版面回復文章